Соңғы жаңалықтар

24-25 қыркүйекте Австрияда шаңғымен трамплиннен секіру бойынша FIS Гран-приі өтті. Қазақстан атынан жарысқа "қанатты" шаңғышылар Сабиржан Муминов пен Данил Васильев қатысты. Жарыс қорытындысы бойынша Д. Васильев 48 орынға ие болды.

Қысқы спорт түрлері бойынша келсімшарт негізінде жұмыс істеп жатқан Ұлттық құрама бапкерлерінің еңбекақылары өседі. Бұл туралы бүгін Щучинскте орналасқан қысқы спорт түрлері бойынша Олимпиадалық даярлау орталығында өткен жиында айтылды. Бас бапкер, аға бапкерлер жалақысы 2018 жылдан бері өзгеріссіз келген. Комитет аталған жағдайды ескере отырып, биылдан бастап бапкерлермен келсім шарт мерзімін ұзартып, еңбекақыларын қайта қарастырады. Қысқы спорт түрлері Ұлттық құрама бапкерлерімен болған жиынға ҚР Спорт және дене шынықтыру істері комитетінің төрағасы Самат Ерғалиев, төраға орынбасары Айгүл Бектенова және Спортты дамыту дирекциясының директоры Оралбай Жақсымбетов қатысты. Сондай-ақ жиын барысында жаттықтырушыларға қосымша штат бөлу, маусымға арналған спорттық киім-кешектер, құрал-жабдықтармен қамтамасыз ету мәселелерімен қатар келер жылы елімізде өтетін биатлоннан Әлем чемпилнатына дайындық барысы қозғалды. Самат Ерғалиев жаттықтырушылардың атқарылып жатқан жұмыстары туралы есебін тыңдап, бірқатар тапсырмалар берді.
“Ұлттық құраманы ересектер мен жастар деп бөлмей, бір жерде жаттықтыру керек. Резерв негізгі құраманың жаттығу процесін көріп, тәжірибе алмасып, олардан жоғары жетістік көрсетуге ұмтылуы қажет”- деді төраға. Сонымен қатар жиын барысында таяуда ғана шаңғы роллерінен Әлем кубогі кезіңі мен жасөспірімдер арасында Әлем чемпионатының жүлдегерлері Мария Геращенко мен Елизавета Толмачеваны төраға арнайы марапаттады.

Қысқы спорт түрлері бойынша олимпиадалық даярлау орталығында 23 қыркүйекте «Сыбайлас жемқорлыққа қарсы іс-қимыл» тақырыбында «дөңгелек үстел» өтті, оған ҚСТ ОДО бөлімдерінің басшылары және Ақмола облысы бойынша Сыбайлас жемқорлыққа қарсы қызметтің превенция басқармасының қызметкері Асемгуль Галеева қатысты. Іс-шара online-форматта өтті.

«Дөңгелек үстел» барысында мемлекеттік органдар мен квази-мемлекеттік сектор қызметкерлері арасында сыбайлас жемқорлыққа қарсы саясатты іске асыру, сыбайлас жемқорлыққа қарсы іс-қимыл және құқық бұзушылықтардың алдын алу тетіктері талқыланды. Сыбайлас жемқорлыққа қарсы қызметтің маманы сыбайлас жемқорлыққа қарсы заңнама бойынша толық ақпарат берді.

- Пара-бұл әрқашан екі қылмыскер, - деп атап өтті Асемгуль Галеева. – Бұл алатын және беретін адам. Құқық бұзушылық туралы хабарлау үшін, егер олар оны жасауға ниет білдірсе немесе қазірдің өзінде жасаған болса, сіз 1424 нөміріне қоңырау шала аласыз. Байланыс орталығы аптасына 7 күн тәулік бойы жұмыс істейді.

Сыбайлас жемқорлыққа қарсы қызмет маманының сөз сөйлеуі аяқталғаннан кейін ҚСТ ОДО қызметкерлері талқыланатын тақырып бойынша сұрақтар қою мүмкіндігіне ие болды.

Қысқы спорт түрлері бойынша олимпиадалық даярлау орталығының фристайл-могул бөлімінің спортшылары Щучинск қаласында оқу-жаттығу жиынын өткізеді. Команда құрамында Федор Бугаков, Максим Емельянов, Ильнар Ибрагимов, Семен Русаков, Юлия Феклистова, Анастасия Ларионова бар. Барлық спортшылар Өскемен қаласының намысын қорғайды. Могулистер командасымен ЦОП ЗВС фристайл-могул бойынша аға жаттықтырушы Дмитрий Рейхерд жұмыс істейді. Спортшылардың оқу-жаттығу жиыны 25 қыркүйекке дейін жалғасады.

15-18 қыркүйек аралығында Австрияның Зальцбург қаласында Халықаралық биатлоншылар одағының (IBU) он бесінші конгресі өтті. Шараға әлем елдерінен 50-ге жуық федерацияның өкілдері қатысты. Қазақстан биатлон федерациясының Бас хатшысы және маркетинг менеджері 2023 жылдың наурыз айында Щучинск қаласында өтетін биатлоннан жасөспірімдер мен жастар арасындағы әлем чемпионатының тұсаукесерін өткізді. Оған қоса, Қазақстан федерациясының бас хатшысы Манас Үсенов Азия құрлығының 11 елін біріктіретін Азия биатлоншылар одағының құрылуына бастамашы болды. Биатлоннан бірінші Азия чемпионаты Щучинск қаласында өтеді деген шешім қабылданды, ал одақтың алғашқы ресми отырысы 2023 жылдың наурыз айында жасөспірімдер арасындағы әлем чемпионаты кезінде өтетін болды.
(Қазақстан биатлоншылар Одағының материалдары бойынша)

16-18 қыркүйекте Румынияда шаңғымен трамплиннен секіру бойынша Гран-при өтті. Жарысқа қысқы спорт түрлері бойынша олимпиадалық даярлау орталығының "қанатты" шаңғышылары Данил Васильев пен Вероника Шишкина қатысты.

Қысқы спорт түрлері бойынша олимпиадалық даярлау орталығының директоры Ардақ Тулендин биатлоннан ҚР жастар командасымен кездесті. 2023 жылдың наурыз айында Щучинск қаласында жасөспірімдер арасындағы Әлем Чемпионаты өтеді. Халықаралық жарыстарға дайындық - кездесуде маңызды мәселелердің бірі болды. Сондай-ақ, кездесуде допингке қарсы іс-шараларға қатысу, спорттық этиканы сақтау, ҚР Әнұранын білу, орта және жоғары білім алу қажеттілігі талқыланды.

Қысқы спорт түрлері бойынша олимпиадалық даярлау орталығында халықаралық жарыстардың жүлдегерлеріне құрмет көрсетілді. Орталық директоры Ардақ Тулендин шаңғыроллерлер бойынша Әлем Чемпионаты мен Әлем Кубогының жүлдегерлері Мария Геращенко мен Елизавета Толмачеваны құттықтады. Естеріңізге сала кетейік, Қазақстан Республикасының жастар құрамасы Эстония мен Италияда өткен Әлем Кубогына және Латвияда өткен Әлем Чемпионатына қатысты. Шаңғыроллерлер бойынша жасөспірімдер арасындағы Әлем Кубогының жалпы есебінде Мария Геращенко үшінші орынды иеленді.

Қысқы спорт түрлері бойынша олимпиадалық даярлау орталығының шаңғы жарысы Мария Геращенко - шаңғыроллерлер бойынша Әлем Кубогының жалпы есебінің қола жүлдегері. Топ-10-ға біздің спортшы Елизавета Толмачева да кірді. Шаңғы роллерінен әлем кубогы 4 кезеңнен тұрды. Жарыс маусым мен қыркүйек аралығында Норвегия, Эстония, Латвия және Италияда өтті. Мария Геращенко - түрлі жарыстардың бірнеше дүркін жеңімпазы және жүлдегері. Нұр-сұлтан қаласында дүниеге келген. Шаңғы жарысымен 11 жастан бастап айналысады. Любовь Залевскаямен және қысқы спорт түрлері бойынша олимпиадалық даярлау орталығының аға жаттықтырушысы Олег Бушмакинмен жаттығады.

Халықаралық биатлоншылар Одағының (IBU) өкілдері қысқы спорт түрлері бойынша олимпиадалық даярлау Орталығына барды. Сондай-ақ, Щучинск қаласына Kurvinen және SIWIDATA халықаралық компанияларының мамандары жұмыс сапарымен келді. Шетелдік сарапшылар кезекті рет стадионға, трассаларға және қысқы спорт түрлері бойынша олимпиадалық даярлау орталығының басқа да объектілеріне жоғары оң баға берді. 2023 жылы Щучинск қаласында биатлоннан жасөспірімдер арасындағы Әлем Чемпионаты өтеді.

Қысқы спорт түрлері бойынша олимпиадалық даярлау орталығының шаңғы жарысы Мария Геращенко Италиядағы Әлем Лубогында үшінші орын алды. Елизавета Толмачева төртінші орынды иеленді. Италияда өткен Әлем Кубогына Венесуэла, Германия, Италия, Қазақстан, Латвия, Марокко, Норвегия, Украина, Швеция және Эстония елдерінің спортшылары қатысуда.

27-28 тамызда Швейцарияда FIS Кубогы өтті. Жарысқа Қысқы Олимпиадалық даярлау орталығының "қанатты" шаңғышылары Святослав Назаренко, Ильшат Қадыров және Давыд Қашқаров қатысты. Орталықтың секірушілері арасында үздік нәтижені Святослав Назаренко көрсетті. Ол 28 орын алды.