27 қаңтар -1 ақпанда Қырғызстандағы Қашқұлақ тау шаңғы курортында тау шаңғысы спортынан бірнеше жарыс өтті, соның ішінде FIS-старттар, Қырғызстан мен Өзбекстанның ересектер мен жасөспірімдер чемпионаттары. Жарысқа Қысқы спорт түрлері бойынша олимпиадалық даярлау орталығының спортшылары белсенді қатысты. Старт қорытындысы бойынша ҚСТ ОДО тау шаңғышыларының жалпы қоржынында 20 марапат бар. Олардың ішінде - 8 «алтын», 10 «күміс», 2 «қола». Жеңімпаздар мен жүлдегерлер арасында Яна Мелинг, Валерия Квач, Ростислав Хохлов бар. Спортшылар слалом және гигант слалом пәндерінде өнер көрсетті.
